Ziyadan gələn ziyan

[SUMGAYIT]

7 milyonluq təklifi geri çevirib, 18 milyona yol çəkən Ziya Məmmədov

Xəbər verdiyimiz kimi, Bakı-Quba-Rusiya avtomobil yolunun Quba-Bakı istiqamətində deformasiyaya uğramış hissəsinə asfalt-beton örtüyünün döşənməsinə start verilib.

Söhbət bir neçə ay sosial şəbəkələrdə müzakirələrə səbəb olan yoldan gedir. Belə ki, bu ilin iyun ayında iqtisadçı-ekspert Samir Əliyev sözügedən yolun dağıdılma prosesindən fotolar paylaşaraq, ümumilikdə 641 milyon manata yaxın vəsaitin xərcləndiyi Bakı-Quba-Rusiya dövlət sərhədi avtomobil yolunun dağıdıldığını bildirmiş və bu hal geniş müzakirələrə səbəb olmuşdu.

 

NOCOMMENT yeniavaz-a istinadən xəbər verir ki, proses daha əvvəl də Azərbaycanda avtomobil yollarının təmirinə sərf olunan milyonlarla vəsaiti xatırladıb.

Belə ki, bir neçə il əvvəl ABŞ-nin “MSNBC” telekanalının sabiq nəqliyyat naziri Ziya Məmmədovun fəaliyyətindən bəhs etməsi də ölkədə gündəmə çevrilmişdi.

Kanalın aparıcısı Reyçel Meddeu təqdim etdiyi verilişdə Azərbaycanın sabiq nəqliyyat naziri Ziya Məmmədovun yol təmiri ilə bağlı özbaşınalığını belə gündəmə gətirmişdi: “Nəhəng “Bechtel” şirkətinin başına gələn hadisə videoda gördüyünüz sarı ölkədə baş verdi. Bura nəhəng Rusiya ilə nəhəng İran arasında olan Azərbaycandır. Azərbaycan balaca ölkədir, təqribən İrlandiya boydadır, keçmiş sovet respublikasıdır. İndi onların neft pulu var. Azərbaycanda neft pulu orada yeni tikililərə səbəb oldu.

2007-ci ilin aprelində Azərbaycanın nəqliyyat naziri ölkənin gələcəyi üçün çox əhəmiyyətli ola biləcək bir görüş keçirdi – o, yollar barədə danışmaq üçün “Bechtel” şirkəti ilə görüşdü. Bu nəhəng Amerika şirkəti bütün dünyada yollar, körpülər, atom stansiyaları, kəmərlər tikir. Əlində neft pulu olan nəqliyyat naziri “Bechtel” rəhbərinin müavini ilə görüşdü ki, şirkət Azərbaycana gəlsin və ölkənin yollarını yenidən salsın. Bu çox böyük layihə idi və onların bunu ödəmək üçün pulları da var idi. “Bechtel” bunu çox gözəl edə bilərdi, dediyim kimi, onlar bunu bütün dünyada ediblər. Lakin onlar heç bir razılığa gəlmədilər.

Bunun səbəblərindən biri barədə biz “Wikileaks”in yaydığı sənəddən öyrənirik. O zaman Amerikanın bu ölkədəki səfiri ABŞ Dövlət Departamentinə teleqram göndərmişdi. O teleqramda yazır ki, Azərbaycan tərəfi “Bechtel”dən tipik yol inşaatı layihəsində qiymət deməsini xahiş edir. “Bechtel” rəhbəri də deyir ki, bu, sıfırdan başlayan tipik yol salınması layihəsidir və hər kilometri təqribən 5-7 milyon dollara başa gələcək. Yenə də teleqramdan oxuyuruq ki, bu qiymət Azərbaycan nəqliyyat naziri Ziya Məmmədova çox baha göründü. Nazir fikirləşdi ki, bu, çox puldur. Və onlar işi görmək üçün başqa şirkətlə müqavilə bağladılar – hər kilometrinə görə 5-7 milyon dollar əvəzinə, hər kilometrinə 18 milyon dollar verdilər.

Bunu edən Azərbaycanın nəqliyyat naziri Ziya Məmmədovun illik maaşı, xəbər verildiyinə görə, 12 min dollardır. Amma necə olursa, ildə 12 min alan nazir milyarder olub?”

[SUMGAYIT]

Sketchy Donald Trump Deal Eyed For Ties To Iran | Rachel Maddow | MSNBC

Rachel Maddow describes the reporting published in The New Yorker about a Donald Trump business deal that raises a lot of red flags, not the least of which is an alarmingly close proximity to the business of the Iranian National Guard, sponsor of terrorism.
 

About: MSNBC is the premier destination for in-depth analysis of daily headlines, insightful political commentary and informed perspectives. Reaching more than 95 million households worldwide, MSNBC offers a full schedule of live news coverage, political opinions and award-winning documentary programming -- 24 hours a day, 7 days a week.

 

[SUMGAYIT]

Ziya Məmmədovun “topdağıtmaz” sərvəti - Milyardları,villaları,şirkərləri və daha nələr...

 

[SUMGAYIT]

Ziya Məmmədovun "kəndin başındakı" restoranı

Bir neçə gün öncə xaricdə yaşayan jurnalist Cavanşir Həsənli özünün sosial şəbəkə hesabında sabiq nəqliyyat naziri Ziya Məmmədovun oğlu Anar Məmmədova məxsus olduğu iddia edilən restoranın görüntülərini paylaşmışdı.

 

Modern.az xəbər verir ki, Londonda yerləşən həmin lüks restroranın Anar Məmmədova 4 milyon funt sterlinqə başa gəldiyi qeyd edilmişdi.

Xəbər yayılandan qısa müddət sonra Ziya Məmmədov mətbuata açıqlama verərək məlumatı yalanlamış və “cəmi bir restoranım var, o da kəndimizin başındadır, gəlib orada yeyib-içə bilərsiniz” deyə, yazılanlara sanki rişxənd tonunda cavab vermişdi.

 

Qafqazinfo maraq üçün vəzifədən uzun müddətdir çıxarılmasına baxmayaraq, hələ də böyük yeyintilərdə ittiham olunan sabiq nazirin açıqlamasının izinə düşərək həmin restoran haqqında maraqlanıb. Məlum olub ki, Ziya Məmmədov hazırda yaşadığı Ucarın Qazıqumlaq kəndində onun ailəsinə məxsus şadlıq evindən başqa, “Fermer” adlı hotel-restoran kompleksi də var.

Və Ziya Məmmədovun təsvir etdiyi kimi “Kəndin başında” yerləşən bu obyekt təsəvvür olunacaq səviyyədə ucqar kəndlərdə yerləşən yeməkxana anlamına gəlmir, əslində böyük bir gölün ətrafında, 3 hektar ərazini əhatə edir. Burada eyni zamanda, ümumi sahəsi 1200 kvadratmetr olan yarmarka da var.