Arazın o tayında

[SUMGAYIT]

Son vaxtlar İran hakimiyyəti Azərbaycan Respublikasına qarşı düşməncə davranışlar sərgiləyir. Bundan narazı olan Güney Azərbaycan türk milləti İl bayramından (Novruz) başlayaraq, ev və küçələri Azərbaycan bayrağı ilə bəzəyir, bu minvalla İrana cavab verir.

Bu sözləri Axar.az-a tanınmış güneyli yazar və jurnalist Məsud Haray deyib.

Güney Azərbaycanda və İranın bir neçə şəhərində Azərbaycan bayrağının asılmasının böyük məna daşıdığını bildirən güneyli yazar molla rejiminin bayraq məsələsinə aqresiv yanaşdığını diqqətə çatdırıb:
“Bayraq bütöv Azərbaycanın bayrağıdır. Bu da İrana “biz mübarizəmizi davam edirik, birik, bütöv Azərbaycanı quracağıq” mesajı vermək və meydan oxumaqdır. Odur ki, İran hakimiyyəti Azərbaycan bayraqlarını kimin əlində tutsa, onu “cəsusluq” ittihamı ilə çox ağır şəkildə cəzalandırır. Bu ittihamla onlarla milli fəalımız tutularaq, həbsə atılıb. İranın Azərbaycana davranışları dəyişməsə, Güney Azərbaycanda bayraqlarımızın dalğalanmasını çox görəcəyik. Çünki bu, rejimə qarşı seçdiyimiz mübarizə üsullarından biridir”.

[SUMGAYIT]

TƏK BAYRAQ,TƏK MİLLƏT,YAŞASIN AZƏRBAYCAN! AZADLIQ SƏSİ VERİLİŞİ

 

[SUMGAYIT]

Təbrizdə keçirilən “Traktor Sazi”-“Sepahan İsfahan” oyunu ərəfəsində maraqlı anlar yaşanıb.

Globalinfo.az xəbər verir ki, sosial şəbəkələrdə Təbrizin “Səhənd” stadionu yaxınlığında gənclərin “Azərbaycan bir olsun, mərkəzi Təbriz olsun” şüarı ilə yürüş etdiyi görüntüsü yayılıb.

Yürüşün oyundan əvvəl, yoxsa sonra baş tutması barədə məlumat verilməyib.

 

Qeyd edək ki, adıçəkilən oyun zamanı soydaşlarımız həmçinin türk dili ilə bağlı şüarlar da səsləndirmişdilər. Şüarlardan biri isə “Azadlıq, Ədalət, Milli Hökumət” olmuşdu.

[SUMGAYIT]

Məsələlər dialoq və danışıqlar əsasında region ölkələrinin iştirakı ilə həll edilməlidir.

Axar.az xəbər verir ki, bunu İranın Ermənistandakı səfiri Abbas Bədəxşan Zühuri deyib.

Onun sözlərinə görə, İran rəsmiləri dəfələrlə regional problemlərin həlli ilə bağlı öz mövqelərini bildiriblər:

“İran mövqeyi aydındır: region ölkələri arasında mövcud olan məsələlər onların iştirakı ilə həll olunmalıdır, digər ölkələrin də regionda sülh və sabitliyin qorunmasına töhfə vermək imkanı var”.

 

Səfir Zəngəzur dəhlizinin açılmasının mümkünlüyünü şərh edərkən bildirib ki, İranın regionda aydın mövqeləri və qanuni maraqları var:

“Təcrübə göstərir ki, biz hər zaman qanuni hüquqlarımızı müdafiə etmişik və bununla bağlı aydın mövqeyimizi bildirmişik”.

[SUMGAYIT]

Güney Azərbaycan Cümhuriyyət Partiyası Türkiyə Respublikasının yaranmasının 100-cü ildönümü münasibətilə Prezident Ərdoğana təbrik məktubu ünvanlayıb. Məktubda Türkiyə Cümhuriyyətinin azadlıq üçün mübarizə aparan 40 milyondan çox Güney Azərbaycan xalqının böyük ümidi olduğu vurğulanıb.

Axar.az məktubun mətnini təqdim edir:

“Cənab Prezident, Cümhuriyyətin yaranmasının 100 illiyi münasibəti ilə sizi və türk xalqını ən səmimi arzularımızla təbrik edirik. Qardaş Türkiyə Sizin rəhbərliyiniz altında uğurlu idarəçiliyi ilə türk xalqlarının və dövlətlərinin sevincinə və qüruruna çevrilmiş, dünya dövlətləri arasında hörmətli mövqe qazanmışdır.
Türkiyə Cümhuriyyəti işğaldan azad olmaq üçün mübarizə aparan 40 milyondan çox Güney Azərbaycan xalqının böyük ümidi olmaqda davam edir. Çünki biz Güney Azərbaycan türkləri olaraq Türkiyə Cümhuriyyətinin yaxın gələcəkdə bölgə xalqlarına və türk dövlətlərinə birlik və bütünlük təmin edən bir gücə çevriləcəyinə inanırıq. Eyni zamanda Türkiyə Cümhuriyyəti bu güclə bölgədə daimi sülh və əmin-amanlığı təmin edən lider dövlət rolunu daim qoruyacaq. Sizin bir vaxtlar ifadə etdiyiniz kimi, Türkiyə məzlum və çarasizlərin ümid qapısıdır. Bu səbəbdən, Türkiyə Cümhuriyyətinə olan etibarımızda yanılmadığımızı və cümhuriyyətimizin daim yaşayacağına sonsuz inamımız olduğunu bildirmək istərdik.

Biz Güney Azərbaycan türkləri başda Türkiyənin istiqlal mübarizəsinin lideri və qurucusu Qazi Mustafa Kamal Atatürk olmaqla, bütün şəhid və qazilərimizi rəhmət, hörmət və rəhmətlə yad edirik.

Cümhuriyyətimizin növbəti ildönümlərini də sizin liderliyiniz və uzaqgörən siyasətiniz nəticəsində davamlı olaraq inkişaf edərək, böyüyərək keçirəcəyimizə qəti inanırıq”.

[SUMGAYIT]

 

[SUMGAYIT]

 

[SUMGAYIT]

Azərbaycanın qərb bölgəsində kürdlərlə azərbaycanlılar arasında münaqişəli bölgələrin probleminin həlli ilə bağlı razılığa gəlinməsə, İslam Respublikası dağıldıqdan sonra Nəqədədə faciə yaşanacaq.

Axar.az xəbər verir ki, bunu İranın Kürdüstan Demokrat Partiyasının baş katibi Xalid Əzizi deyib.

Onun Azərbaycanın tarixi torpağı olan Sulduz (Nəqədə) bölgəsini “münaqişəli və mübahisəli ərazi” adlandırması güneyli fəallar tərəfindən birmənalı qarşılanmayıb.

 

Fəallar Xalid Əzizinin Sulduzu “münaqişəli və mübahisəli bölgə” kimi qələmə verməsini Azərbaycan torpaqlarına qarşı ərazi iddiası kimi qiymətləndiriblər.

Qeyd edək ki, Qərbi Azərbaycan əyalətinin bir sıra bölgələrində, o cümlədən Sulduz mahalında buraya sonradan köçürülmüş mühacir kürdlər məskunlaşdırılıb. Bu, bir sıra radikal milliyyətçi kürd təşkilatlarının Azərbaycan torpaqlarına ərazi iddialarına səbəb olub.

Rejimə qarşı mübarizədə xalqlar arasında birliyin pozulması məqsədilə Tehran hakimiyyəti həmin iddiaların güclənməsi və təbliğinə zəmin yaradır.

[SUMGAYIT]

Farslar elə bilir ki, Təbriz yuxudadır - FƏDAİLƏR

 

[SUMGAYIT]