Doğma dilin istifadəsinin vacibliyi

[EJIXAH]

Bizim çoxumuza digər dillərdə ünsiyyət daha rahat gəlir çox vaxt.

 

Ya da, düşünürük ki, bizi belə daha çox oxuyarlar və ya dinləyərlər.

 

Amma həqiqət belədir ki, bizim millətin belə düşünməyə görə həmişə başımız ağrıyıb.

 

Nizami, Tusi kimi oğullarımıza yiyə çıxa bilmirik, farslar deyir ki, bizimdir, çünki farsca yazıblar.

 

Gəlin doğma dilimizin istifadəsini genişləndirək.

 

Hörmətlə, 

 

Elxan

[Эда F]

Gəlin genişləndirək. Konkret təklif? )

[EJIXAH]

Konkret təklif kiçik addımlardan ibarətdir. 

 

Xüsusən də yazıya dair. Feysbukda, məsələn, status yazdığda ingiliscə və ya rusca, azərbaycanca da yazın. Vaxt aşırı təkcə öz dilimizdə olan statuslar yazmaq lazımdır, bunların daha aşağı "layk"ları olsa da.

 

Forumumuzda da, yavaş yavaş digər bölümlərdə, bu bölümdən kənarda, azərbaycanca mövzular yaratmaq lazımdır. 

 

Əlbəttə ki, bu inqilab yox, evolusiya kimi baş verməlidir.

[Эда F]

Gələcəyə gedən yol bağlı, buraxmırlar, yenidən keçmişə qayıdır vətən!

Arxasınca dartaraq əsəbi şəkildə övladının əlindən.

Küçədən tapıb, tək böyüdüb onu, atasız, anasız, amansız!

Öyrədib ki, gözdürsə şəxsidir, ağlamaqdırsa bəşəri!

Şəriki varsa ömürdür, kimsəsizdirsə tale!

Yaradırsa doğmadır, ağrıdırsa köçəri!

 

Kimsə vicdanın yerini soruşur xəstə taksidən;

ya televiziyadandır, ya qəzetdən

Biri deyir: – harasından güllələdinizsə,

O biri: – harasından asdınızsa,

Başqa biri: – harasından tək qoydunuzsa,

Orasıdır vicdanı insanın!

Kimsə dəqiq bilmir heç bir ünvanı.

Yol yoxdursa, çıxış yolu hələ ki, azmaqdır.

 

(Yenisey)

[Эда F]

fb-da əsasən azərbaycanca yazıram, elə o məqsədçün yaradılıb divar. İzləyicilər də əsasən bu dildə oxuyanlardır.

[Эда F]

Bir dəfə ruhu fiziksəlliyi ilə qəti uyuşmayan birisi məni o qədər təəccübləndirmişdi ki... o cür qabalıqda incə duyğunun, romantizmin varlığına inana bilmirdim. Onun şerinə kommentim:

(loru dil də saxlanılıb)

 

Qərəz, iri can-cüssəyə heç də yaraşmayan xəfif, həssas, kövrək, hörümçək toru qalınlığında incə ruhlar varmış.., çalxanmış dərya üzərində hübablar təkin., gilələri asiliklə dolu salxım ruh. Əcəba, o tor ruhu, o salxımı o supermassivliyin  harasında və nasıl  saxlar ki, nə cüssə öz kobudluğundan şoka düşüb düşkünlük yaşamaz, nə ruh öz ufaqlığından xəcalət çəkib tanrısından inciməz...

....yenə cəngi səsləri gəlir...

pəhləvanlar ölmüyübdü.. )

[Эда F]

Yersiz də olsa, Elxan, примите. Мне показалось, вы скучаете по родному языку. )