Устаман Опубликовано: 6 декабря, 2009 Жалоба Share Опубликовано: 6 декабря, 2009 Мәшәди Ибадын арзусу. Валлаһи, һәрдән елә јухулар ҝөрүрәм ки, һәфтәләрлә тәсириндән чыха билмирәм вә онлар јаддашыма елә һәкк олуб галыр ки, он-он беш ил белә үстүндән кечсә дә јадымдан чыхмајыр, мәни фикирләшмәјә, бу јухунун нә демәк олдуғуну арашдырмаға вадар едир. Нә ҝизләдим сиздән, бу јухулар мәни һејран гојуб, онлар мәнә дәфәләрлә сүбут едибләр ки, бизим Дүнјамыз неҹә рәнҝарәнҝ, мараглы сиррләрлә долудур! Әһсән сәни јарадана, еј Дүнја! ...Бир нечә илин сөһбәтидир, ҝеҹә ширин јухуја ҝетмишдим, бир дә ҝөрдүм ки, јенә јуху аләминдәјәм, бу дәфә нәдәнсә бөјүк бир дәниз вағзалынын јанында вар-ҝәл едирәм. Соруша биләрсиниз ки, неҹә јәни, “бир дә ҝөрдүм ки, јуху аләминдәјәм...”? Билирсиниз, бизим јухуларымызы, мәним фикиримҹә ики јерә бөлмәк олар. Биринҹи јерә о јухулары аид етмәк олар ки, јухуну садәҹә олараг ҝөрүрсән, мүхтәлиф сөзләри, кәлмәләри ешидирсән, лакин јуху ҝөрән адам дәрк еләмир ки, о, јуху аләминдәдир... Икинҹи јерә исә... Һә, икинҹи јер чох гәлиз бир мәсәләдир, ејни заманда чох мараглыдыр! Инсан белә јухуда, неҹә дејәрләр, “ајылыр“, дәрк едир ки, о, јуху аләминдәдир вә онун ҝөрдүјү бу әтраф мүһит,- евләр, сарајлар, күчәләр, инсанлар, мешәләр вә чајлар... бизим Дүнјада дејил, јуху аләминдәдир! ...Каш биләјдиниз, бу неҹә дә мараглы бир һадисәдир?! Белә јуху ҝөрән адамлар мәним сөзләрими тәсдигләјәрләр, - бу әсил мөҹүзәдир, һөрмәтли охуҹулар! Бәли, мән чох севиндим ки, јенә јуху аләминә дүшмүшәм вә әтрафы диггәтлә нәзәрдән кечирмәјә башладым. Биринҹи нөвбәдә мәним диггәтими бу лимана јан алан нәһәнҝ гара, гырмызы, ағ золаглы јүк ҝәмиләри ҹәлб еләди. Онларын јүкләрини бојну узун зүрафәјә бәнзәр кранларла саһилә бошалдырдылар. Бу заман мәнә боғазы ағ тәнзифлә сарынмыш бир сарышын киши јахынлашды. Ҝөрүнүр онун боғазы ағрыјырды. О, нәзакәтлә мәнә ишарә еләди ки, онун архасынҹа ҝәлим. Биз тәләсмәдән бурдакы, узунсач сөјүд ағаҹларынын алтында јерләшән сәлигәли бир чајхананын јанына ҝәлиб чыхдыг. Дәниз вағзалы һүндүр, бәзәкли дәмир һасарлара дөврәјә алынмышды вә мәним диггәтими бу һасарларын архасына јығылмыш адамлар ҹәлб еләди. Онлар вағзалын әразисинә ҝирмәјә чалышырдылар, лакин мөһкәм бәдәнли кешикчиләр онлары ичәри бурахмыр, бәзиләрини исә һәтта кобуд шәкилдә говурду. Бир нечә нәфәр исә һасарын үстүндән ашыб әразија сохулмаг истәјирди. Нәдәнсә бу адамлар мәнә таныш ҝәлдиләр. Мән нәзәрләрими онлардан ајырдым вә чајхананын гаршысында гојулмуш столларын биринин архасында әјләшдим. Јенә дә ҝәмиләр мәним диггәтими ҹәлб еләди вә мән онлары мүшаһидә етмәјә башладым. Бу заман кими ҝөрсәм јахшыдыр!? Валлаһи инанмазсыныз! Бир дә ҝөрүрәм ки, Мәшәди Ибад саһил тәрәфдән бура ҝәлир! Истәр-истәмәз мәним сифәтимдә тәбәссүм јаранды вә бу да, дејәсән, онун хошуна ҝәлмәди. - Сән кимсән?! – дејә о, мәним отурдуғум столун јанында дајаныб тәрс-тәрс мәнә бахыб сорушду. – Сән дә јәгин мәни “атмаға” ҝәлмисән, еләми?! Мәнә даһа һеч кимин көмәји лазым дејил! Һес кимә борҹ-зад да вериб еләмирәм! Чых ҝет бурдан! Мәни бура ҝәтирән киши артыг јох олмушду. Мән сакит јеримдән дуруб Мәшәди Ибадын үзүнә бахдым. - Ајыб дејилми, Мәшәди?! – дедим. – Мән сәнин өзүнә нә гәдәр лазымдыр пул верә биләрәм, - инҹимиш һалда сөзүмә давам еләдим. – Наһаг сән мәним хәтримә дәјирсән... Бу заман чајханада ишләјән оғлан Мәшәди Ибада јахынлашды вә онун гулағына ни исә пычылдады. Мәшәди Ибад онун сөзләрини ешидиб диггәтлә мәнә бахды вә кечиб столун архасында әјләшди. - Отур, - Мәшәди бир гәдәр јумшалыб мәнә деди сонра да чајчы оғлана мүраҹиәт еләди. – Бизә бир чај ҝәтир. – Чајчы оғлан бир сөз демәдән јох олду вә Мәшәди мәнә үзрхаһлыг еләмәјә башлады. – А киши, валлаһ бу “атаншикләр” мәни тәнҝә ҝәтирибләр! Одур, һамысы јығылыблар гапынын габағына! Ҝөзәтчиләрә демишәм һеч бирини ичәри бурахмасынлар! Бунларда нә абыр вар, нә һәја... Бири ҝәлир ки, Мәшәди, борҹ вер бир аја ҝәтирирәм... Јазығым ҝәлир верирәм... јох олур чыхыб ҝедир! О бириси ҝәлир ки, Мәшәди, әлимә јахшы бир иш кечиб, Аллаһ бу, гуран бу, он мин вер, бир һәфтәдән сонра үстүнә дә мин манат гојуб гајтараҹам... Верирәм, бир һәфтә нәдир, мин һәфтә дә кечир ҝәлиб чыхмыр! Ахырда һамысыны “посылат” еләдим. ...Инди елә билдим сән дә “атаншиксән”, ҝәлибсән, беш-он мин гопарыб чыхыб ҝедәҹәксән! - Јох, Мәшәди, мән бура тәсадүфән ҝәлмишәм, сөзүн дүзү, һеч билмирдим ки, сәнә бурда раст ҝәләҹәм...- мән ҝүлүмсәјәрәк дедим. – Сән инди дејәсән бурда ишләјирсән, һә? - Һә, - Мәшәди Ибад фәрәһлә деди. – Бу ҝөрдүјүн дәниз вағзалынын саһиби мәнәм! - Бәрәкаллаһ, Мәшәди! – Мән һејрәтими ҝизләтмәдим. – Афәрин! Сән лап фонтан еләјирсән ки! Һеч инанмаздым ки, сән белә уҹаласан! - Нијә инанмаздын ки? – Мәшәди бир гәдәр инҹиди. – Кимдән әксијәм мән?! Машаллаһ, мин ҹавана дәјәрәм! - Еләдир, Мәшәди! Инди инандым ки, дүз дејирсәнмиш, мин ҹавана дәјәрсән! Чајчы оғлан подносда чај-гәнд... ҝәтириб столун үстүнә гојду. Сонра гызылы рәнҝли чини чајникдән стәканлара чај сүзүб јенә јох олду. - Бу һәлә һарасыдыр! – Мәшәди чајы габағына чәкиб сөзүнә давам еләди. - Мәним нечә-нечә банкларым, фабрик - заводларым да вар! Әкин саһәләримин уҹу-буҹағы ҝөрүнмүр, нечә-нечә өлкәләрдә отелләрим, сарајларым да вар! - Нә јахшы, нә јахшы... сән лап әмәлли-башлы милјонерсән ки...! - Бәли, мән чох зәнҝин бир адамам...! - Чох јахшы, Мәшәди! Белә инсанлары ҝөрәндә, нәдәнсә мән севинирәм... Анҹаг... анҹаг Мәшәди, сәнин о тутуғун һәрәкәт һеч мәним хошума ҝәлмәди... Сән белә етмәмәли идин... - Һансы һәрәкәтим? – Мәшәди ҹиддиләшди. - Сән наһаг ҝедиб гочу Әсҝәрә шикајәт еләдин... һәм биабыр олдун, һәм дә бир әтәк пулун ҝетди... Ҝәрәк о пулу вериб бир пиштон алајдын, өзүн ҝедиб Сәрвәрлә һагг-һесабы һәлл едәјдин... Бу сөзләр елә бил Мәшәди Ибада ох кими дәјди. О, әлләрини галдырыб дизләринә вурду вә јаныб төкүлә-төкүлә деди: - Дүз дејирсән, ај елоғлу, дүз дејирсән... Дәрдими тәзәләдин! Мән һәлә о вахт Үзејир бәјә дедим ки, а киши, мәни белә јаратма! Сөзүмә гулаг асмады, деди ки, Мәшәди, ҹамаатын гашы-габағы ачылмыр, гој бир аз ҝүлсүнләр, сир-сифәтләри ачылсын, кефләри көкәлсин... Беләҹә јаратды мәни, бу да нәтиҹәси! Инди ким мәни ҝөрүр, ҝүлүр мәнә, әлә салыб дејир ки, Мәшәди, филан гәдәр вер бу иши дүзәлдим... Ја да борҹ истәјир, “атыб” гачыб ҝедир... Биабыр олмушам...! - Һә, Мәшәди, еләдир! – мән бир гәдәр чајдан ичиб дедим. – Анҹаг, нә едәсән, тәкҹә сән елә дејилсән, бу ҝүн бир чохлары бу ҝүндәдирләр, бир шеј олмамыш шикајәтә гачырлар... Һеч билмирик буну ҹамаата неҹә тәрҝитдирәк... Биабырчылыгды! - ...Билирсән о Сәрвәри нә едәрдим? – Мәшәди Ибад лап аҹыгланды. – Ону ортасындан ҹырардым...! Гојмады, Үзејир бәј гојмады...! Гој о ҝәдә ҝетсин гурбан олсун Үзејир бәјә! – Мәшәди Ибад чајдан бир гәдәр дә ичиб стәканы нәлбәкијә гојду вә сөзүнә давам еләди. – Инди, ај елоғлу, сән лап јахшы ҝәлмисән, истәјирәм ки, ҝедиб орда јазанлара дејәсән ки, мәни тәздән јаратсынлар, тәзә филм чәксинләр, адыны да белә гојсунлар, “О да олсун, бу да”! Һаггы нәдир, артыгламасы илә верәрәм! Мән Мәшәдинин үзүнә бахыб ҝүлүмсәдим. - Билирсән, Мәшәди... – дедим. Лакин о, мәнә сөзүмүн архасыны демәјә гојмады. - ... Он кило халис гызыл верирәм! - Мәшәди әлини атыб ҹибиндән банк китабчасыны чыхартды. – Билмирәм, инди сиздә һансы пул ишләјир, одур ки, гызыл верирәм, ҝет, мәним банкларымын һансындан истәјирсән ҝөтүр, чатдыр о јазан адама. - Мәшәди, бу елә ишдир ки,... - ...Он беш кило верирәм! - Сөһбәт пулда дејил.... - Јахшы, ијирми кило олсун! – Мәшәди сәсини уҹалтды. – Үстүнә бир гәдәр дә даш-гаш гојарам... Һә, нә дејирсән? – Мәшәди мәним ҹавабымы ҝөзләмәјиб китабчаја нә исә јазды вә һәмин сәһифәни гопарыб мәним ҹибимә сохду, Бу заман мәним әл телефонум зәнҝ чалмаға башлады. Мән әлими узадыб ону ҹибимдән чыхармаг истәдим, лакин ҝөрдүм ки, телефон үстүмдә дејил вә... вә јухудан ојандым. Бу ҝөрдүкләримин јуху олдуғуну анлајыб ҝүлмәјә башладым. “Ај сәни, Мәшәди Ибад! - өз-өзүмә дедим, - ҝөр е, киши неҹә јаныб - төкүлүр...! Чәтин ки, кимсә сәни јенидән јапа, а Мәшәди, Үзејир бәј сәни елә јаратмајыб ки, сәни дәјишмәк мүмкүн олсун!” Цитата Ссылка на комментарий Поделиться на других сайтах More sharing options...
Platon-1961 Опубликовано: 20 декабря, 2009 Жалоба Share Опубликовано: 20 декабря, 2009 Супер.)))) Цитата Ибо нефиг то бишь нах! Ссылка на комментарий Поделиться на других сайтах More sharing options...
Устаман Опубликовано: 20 декабря, 2009 Автор Жалоба Share Опубликовано: 20 декабря, 2009 Супер.)))) Платон мүәллим, мүсбәт гијмәтиниз үчүн чох сағ олун! Шадам ки, мәним бу ҹызма-гарам Сизин хошунуза ҝәлди. Сизи бу форумда ҝөрмәјимә дә чох шадам! Цитата Ссылка на комментарий Поделиться на других сайтах More sharing options...
Platon-1961 Опубликовано: 20 декабря, 2009 Жалоба Share Опубликовано: 20 декабря, 2009 Платон мүәллим, мүсбәт гијмәтиниз үчүн чох сағ олун! Шадам ки, мәним бу ҹызма-гарам Сизин хошунуза ҝәлди. Сизи бу форумда ҝөрмәјимә дә чох шадам! Устаман бей! Это не "ҹызма-гара". Всё наше, родное, кровное, близкое.)) Пишите смело, у Вас хорошее добротное перо. Угурлар! Цитата Ибо нефиг то бишь нах! Ссылка на комментарий Поделиться на других сайтах More sharing options...
Устаман Опубликовано: 20 декабря, 2009 Автор Жалоба Share Опубликовано: 20 декабря, 2009 Платон мүәллим, мүсбәт гијмәтиниз үчүн чох сағ олун! Шадам ки, мәним бу ҹызма-гарам Сизин хошунуза ҝәлди. Сизи бу форумда ҝөрмәјимә дә чох шадам! Устаман бей! Это не "ҹызма-гара". Всё наше, родное, кровное, близкое.)) Пишите смело, у Вас хорошее добротное перо. Угурлар! Сағ ол, Платон мүәллим! Сизә дә уғурлар олсун! Цитата Ссылка на комментарий Поделиться на других сайтах More sharing options...
Recommended Posts
Join the conversation
You can post now and register later. If you have an account, sign in now to post with your account.