Bu ölkənin problemi azmış kimi, başımıza bir də Zirəddin Rzayev adlı şeytan qulluqçusu müsəllət olub. Bu günlərdə toyda, yasda, hər yerdə bu şeytan qulluqçusunun söhbəti gedir. Bizim yazılarımıza haqq qazandıranlar olduğu kimi insan cildinə girmiş iblisləri müdafiə edənlər də tapılır. Zirəddin Hüseynov da mətbuata verdiyi açıqlamada özünü “mələk” kimi göstərir və nədənsə daha ciddi məsələlərə laqeyd yanaşan bəzi həmkarlarımız bu şeytana xidmət edəni reklam, bəzən də müdafiə etməkdən çəkinmirlər.
Öncəliklə, onu qeyd etməliyik ki, Zirəddin Rzayevi şeytan qulluqçusu adlandıranda, heç də öz düşüncəmizi ifadə etmirik. Müqəddəs Kitabımız Qurani Kərimdə dəfələrlə Zirəddin və onunkimilər fəsiləsindən olanlar haqqında açıq ayələr var ki, bunlar ruhlarını şeytana satıblar və bunlar insan cildinə girmiş şeytanlardır:
«Şeytanların kimə nazil olduqlarını sizə xəbər verimmi? Onlar hər bir günahkara, yalançıya (cadugara, falçıya, sehrbaza və adlarını kahin qoyub xalqı aldadanlar) nazil olur». (əş-Şuəra 221,222). «Sehrbaz isə harda olursa olsun mətləbinə çatmaz». (Ta ha 69). «Sehrbazlar (dünya və axirətdə) nicat tapmazlar». (Yunus 77). «…Həqiqətən onlar belə şeyləri satın alanların axirətdə payı olmadığını yaxşı bilirlər». (əl-Bəqərə 102). «…Onlar Cibt və Tağuta inanır». (ən-Nisa 51).
Və ya hədislərdə buyurulur ki, «Sehr düyünlər, oxumalar və söylənən sözlər, yazılan ifadələr, edilən şeylərdir ki, bunlar sehr edilən kimsənin bədəninə, qəlbinə və ya ağlına bilavasitə təsir edir. Sehirin bir həqiqəti vardır ki, kimisə öldürür, kimisə xəstə edir, kimisə xanımına yaxınlaşmaqdan çəkindirir, ər və arvadı bir-birindən ayırır, bir kimsənin digərini sevməsi üçün sehr edilir. Sehrin öyrənilməsi və öyrədilməsi haramdır”. Yəni, Zirəddin və onunkimilər fəsiləsindən olanlar iddia edə bilərlər ki, biz insanlara yaxşılıq edirik, onların dərdlərini azaldırıq. Buna da ağ maqiya adını verirlər. Lakin bu əsla belə deyildir. Nə ağ maqiya, nə də qara maqiya ilə məşğul olmaq olmaz. Bunların hər ikisi də haramdır. Bu işlə məşğul olan adam tövbə etməsə (Allah qorusun) dünyasını da, axirətini də puç edəcəkdir. Əgər sehr yaxşı bir şey olsaydı Allah ondan sığınmağı əmr etməzdi. «De ki: Pənah .rıram sübhün Rəbbinə, yaratdıqlarının şərindən, zülmətə bürünməkdə olan gecənin şərindən, (ovsun oxuyub) düyünlərə üfürən (yaxud cadu edib iplərə düyün vuran) qadınların şərindən və bir də paxılın şərindən». (əl-Fələq 1-5).
«De ki: Pənah .rıram insanların Rəbbinə, insanların ixtiyar sahibinə, insanların tanrısına, vəsvəsə verən, qaçıb gizlənən şeytanın şərindən. O, şeytan ki, insanların ürəklərinə vəsvəsə salır. O, şeytan ki, cinlərdən də olur, insanlardan da». (ən-Nəs 1-6).
Müsəlmanlar unutmamalıdırlar ki, cadugər və ya falçı yanına gedən şəxs onun qeybi bildiyini qəbul etmirsə və onu sadəcə dinləmək və ya buna bənzər bir səbəblə gedirsə küfr etmiş olmur, lakin fərz namazları qırx gün müddətində qəbul edilmir. Peyğəmbər (sallallahu aleyhi və səlləm) başqa bir hədisində buyurub ki,: «Kim Ərraf (ərraf – kahin, müasir dildə ekstrasens növlərindəndir. İbn Əsir (rahmətullahi aleyhi) deyir ki: «Münəccim, qeybi bildiyini iddia edən kimsədir». Xattabi (rahmətullahi aleyhi) deyir ki: «Oğurlanmış əşyanın yerini deyən, qeyb olan şeylərin məkanını bilən və s. buna bənzər şeyləri söyləyən kimsədir») adlanan bir falçı yanına gedib fala baxdırsa və ona inansa onun qırx günlük namazı qəbul edilməz» (Müslim, 2230, Əhməd, 5/380, 4/68).
Qurani-Kərimin “əl-Hicr” surəsinin 16-18-ci ayələrində zirəddinkimilərin bəd əməlinin Uca Allahın necə qəzəbinə tuş gəldiyindən bəhs edilir:«Biz səmada bürclər yaratdıq, onları baxanlar üçün bəzədik. Onları hər bir məlun şeytandan qoruduq. Lakin (şeytanlardan) kim (mələklərin söhbətinə) xəlvəti qulaq assa, onu odlu bir axan ulduz təqib edə (və üstünə düşüb yandırar)».
Aişə (radıyallahu anhə) rəvayət edir ki, mən: «Ya Rəsulullah! Kahinlər bizlərə bəzi şeyləri söyləyirlər ki, onların dedikləri doğru çıxır». Peyğəmbər: «Bu doğru (sabit) olan kəlimələrdir ki, cinlər oğrun-oğrun qulaq asaraq (bu kəlmələri) oğurlayaraq öz dostlarının (sehrbazların, falçıların, kahinlərin) qulağına sözlərə yüz dənə yalan əlavə edərək pıçıldayarlar (Başqa rəvayətdə: Toyuğun qaqqıldaması kimi sözləri onların qulağına əyilərək boşaldarlar. Onlar heç bir şey deyillər)» deyə buyurdu (Müslim, 2229).
Bəli, biz şeytandan dəstək alaraq, zavallı insanları aldadan Zirəddin Rzayevin haram hərəkətinə qarşı öz mövqeyimizi ortaya qoyarkən, Uca Allahın (c.c.) nazil etdiyi Qurani-Kərimə və Həzrəti Məhəmmədin (s.a.s.) hədislərinə söykəndik. Biz müqəddəs dinimizin bizə öyrətdiklərindən yola çıxaraq, bu adamın əməllərinin şeytan əməli olduğunu anlatmağa çalışdıq.
Bu gün Zirəddin Rzayevin öz ailəsini haram pulla dolandırdığını yazdıq. Necə ki, Əbu Məsud əl-Bədri (radıyallahu anhu) rəvayət edir ki, Peyğəmbər (sallallahu aleyhi və səlləm) itdən gələn pulu, zinakarın qazancını və falçılıqdan gələn pulu götürməyi qadağan etmişdir» (Buxari, 2237, Müslim, 1567).
Və bu pul o qədər haramdır ki, peyğəmbərimizin (sallallahu aleyhi və səlləm) səhabələri o pulla yedikləri yeməyi bilə qusmağı üstün tutublar:
Aişə (radıyallahu anhə) rəvayət edir ki, Əbu Bəkrin (radıyallahu anhu) bir köləsi vardı. Bir gün yeməyə bir şey gətirdi, Əbu Bəkr də ondan yedi. Kölə ona: «Bunu nəyin qazancından alındığını bilirsənmi?». O: «Bu nəyin qazancındandır?» deyə soruşdu. O, da: «Cahiliyyə dövründə bir nəfərə kahinlik(oxu: ekstrasenslik) etmişdim. Halbuki mən kahinliyi bilmirəm. Lakin onu aldatmışdım. Mənimlə qarşılaşdı və bunları mənə verdi. Sənin yediklərin də odur. Əbu Bəkr (radıyallahu anhu) əlini ağzına soxaraq yediklərini qusdu» (Buxari, 3843).
Bəli, biz müsəlmanın bu şeytan nökərlərinə qarşı necə davranmalı olduğunu göstərdik. Bu ekstarsenslər, falçılar, cadugərlər sadəlövh insanları özlərinə inandırmağa məcbur edirlər və onların pullarını və mallarını haram yolla onların əlindən alırlar. Qum üstünədə cizgi çəkməklə, əl içinin xətlərini oxumaqla, balıqqulağı, kofe stəkanı ilə, fincan, güzgü və s. üsullar tətbiq edirlər. Gələcəyini bilmək, nigahda və ticarətdə xoşbəxtmi və yaxud bədbəxtmi olacaqlarını öyrənmək, itirilmiş əşyalarını tapmaq və buna oxşar məqsədlərlə sehrbazların yanına gedirlər. Falçının və ya cadugərin yanına gedən şəxs, onların dediklərinin doğru olduğuna inanarsa küfr etmiş olar. Əbu Hureyrə (radıyallahu anhu) rəvayət edir ki, Peyğəmbər (sallallahu aleyhi və səlləm) buyurdu: «Kim bir kahinin yanına gedib onun dediyini təsdiq edərsə Məhəmmədə nazil olanı inkar etmiş olar» (Əhməd, 2/408,429,476, Əbu Davud, 3903, Tirmizi, 135).
Biz onsuz da günahlar içində olan məmləkətimizin bir bəladan qurtulması, dindən çıxmamaları üçün bu addımı atdıq...
Zirəddin Rzayev adlı satanist özünü təmizə çıxarmaq üçün dindən sui-istifadə etmək istəyir. Deyir ki, mən imamların nəslindənəm. Və özünün Həzrəti Əli nəslindən olduğunu iddia edib, insanların dini inancını istismar etmək istəyir. Bəyəm Həzrəti Əli (ə) ekstrasenslik və ya cadugərliklə bağlı Həzrəti Məhəmməddən (s.a.s.) fərqlimi düşünürdü? Və ya hansı imam Zirəddin Rzayevin tutduğu yolda addımlayıb? Bir imam göstərə bilərsinizmi ki, o, ekstrasenslik edib?.. Ekstrasensliyin əsla möcüzə olmadığı və şeytan əməli olduğu müqəddəs Kitabımızda açıq şəkildə göstərilib və Zirəddin Rzayevin əslində şeytanın qulluqçusu olduğunu ortaya qoyur. Bu adam isə “yalan deyirəmsə, qoy imamların cəddi belimi qırsın” deyərək, primitiv aldatma üsulundan istifadə edir. Və unudulmamalıdır ki, axirətdə bir insanın hansı nəsildən olması ona heç bir yardım etməyəcəkdir. Necə ki, Əbu Ləhəb də Həzrəti Peyğəmbərimizin (sallallahu aleyhi və səlləm) əmisi idi. İnsanlar əməllərinin cəzasını çəkəcəklər.
Belələri üçün Peyğəmbər (sallallahu aleyhi və səlləm) belə buyurub: «Ümmətimdə cahiliyyə dövrün-dən dörd əlamət qalmışdır. Öz əsil-nəcabəti ilə fəxr etmək, başqasının nəslinə tənə etmək, yağışın yağmasını ulduzlarla əlaqələndirmək və ölü üstündə ağı deyib ağlamaq» (Müslim).
Bəli, Zirəddin Rzayev kimilər avam insanları aldadaraq Qurani Kərimi açırlar və itən əşyaların yerlərinin orada yazıldığını xəbər verirlər. Subhənəllah! Bu qədər də yalan olar. Məgər Qurani Kərimdə insanların itən əşyaları haqda bir şeylər yazılıb. Bu qədər də avamçılıq olar. Dəhşət burasıdır ki, insanlar da onlara inanırlar. Özünü Allahın yaxını və qeybi bildiyini bəyan edən kəs Allahın yaxını yox, şeytanın dostudur. Qeybi bilmək yalnız Allaha xas olan bir haqdır. «Qeybin açarları (Allahın) yanındadır. Onları ancaq O bilir. (Allah) suda və quruda nə varsa bilir. Yerə düşən elə bir yarpaq yoxdur ki, (Allah) onu bilməsin. Yerin zülmətləri içində elə bir toxum, (kainatda) elə bir şey yoxdur ki, açıq-aydın kitabda olmasın». (əl-Ənam 59).
Şeytana ibadət edənlərin vəzifəsi müsəlman cildinə girib, insanları dindən uzaqlaşdırmaqdırsa, biz müsəlmanların da vəzifəmiz bu satanistlərin maskasını yırtıb, xalqımıza həqiqətləri göstərməkdir. Bizim borcumuzdur ki, insanlarımızı mövhumatdan uzaqlaşdırıb, həqiqi İslam dininınə qovuşduraq. Çünki əks halda mövhumatçı insanlarımızın sayəsində Zirəddin Rzayev kimilər hər yerə daraşacaq...
Bizim borcumuzdur ki, insanlarımızı quşların uçuşu, qara pişiyin yoldan keçməsi, həftənin müəyyən günlərini, gecə vaxtı dırnaq tutmaq, ev süpürmək, qaşıq düşdü qonaq gələcək, gecə vaxtı güzgüyə baxmazlar və s. müxtəlif əşyaları, sözləri yozmaqdan qurtaraq. Biz XXI əsr Azərbaycanının XIX əsrə .ranlara qarşıyıq. Və bunun üçün falçıların, satanistlərin, ekstrasenslərin hədəfinə çevrilmişik. Necə ki, XIX əsrin aydınları Şeyx Nəsrullahlara qarşı mübarizə .randa din dəllalları onları hədəfə götürmüşdü, bu gün biz imanlı qəlbimizlə və düşünən beynimizlə bu saxtakarlara qarşı mübarizə .rırıq.
Biz dindarıq! Biz əlhəmdülillah müsəlmanıq! Biz din adı altında mövhumatın təbliğinə qarşıyıq ki, bizim fərqimiz də bir çoxundan budur. Biz hesab edirik ki, mövhumat insanın rasional şəkildə və onun məntiqlə düşünməsinə əngəl törədir. İnsanı əfsanələrə, sehrə və şişirdilmə, uydurma şeylərə inanmağa sürükləyir və onlardan asılı edir. Bu cür düşüncələrə dalan, dərinə gedən insan öz ümidlərini əfsanələrə bağlayır. İslam dini bunun əksinə olaraq insanları Allah təalanın məxluqat üçün nazil etdiyi əsaslı, elmə söykənən qaydalar və təbii qanunlar üzərində diqqətlərini mərkəzləşdirməyə yönləndirir.
Düşünmək, təfəkkür etmək əqli fəaliyyətdir. Bu fəaliyyət insandan ağlını istifadə edərək düşüncə proseslərini tənzimləməsini, nizamlamasını tələb edir. Mövhumat bunların hamısına son qoyur, qarşısını alır. Əqli fəaliyyət artıq hazır nəticələr üzərində düşünməklə kifayətlənir, inkişafa göz yumur və bundan uzağa getməkdən aciz qalır. Bax elə bu minvalla sehrbaz, cadugərlər insanları istismar edir və iddia edirlər ki, qeyb haqqında və əşyaların gizli aspektləri ilə əlaqədar elmə sahibdir. Beləliklə, sehrbaz, falçı və cadugərlər ağıldan zəif insanları istismar etməklə öz işlərini məhdudlaşdırırlar.
Allah təala buyurur: “Biz cinlərdən və insanlardan bir çoxunu Cəhənnəm üçün yaratdıq. Onların qəlbləri vardır, lakin onunla (Allahın birliyini sübut edən dəlilləri, özlərinin dini borc və vəzifələrini) anlamazlar. Onların gözləri vardır, lakin onunla (Allahın möcüzələrini) görməzlər. Onların qulaqları vardır, lakin onunla (öyüd-nəsihət) eşitməzlər. Onlar heyvan kimidirlər, bəlkə də, (ondan) daha çox zəlalətdədirlər. Qafil olanlar da məhz onlardır! (Əl-Əraf, 179).
Bu gün gözü olub, həqiqəti görməyənlər, qulaqları olub, doğru sözü eşitməyənlər bu şeytan qulluqçusunu müdafiə edir, ona tribuna verirlər ki, şeytana bir az da çox qulluq etsin. Görəsən, Zirəddin adlı satana qulluqçusunu müdafiə edənlər, onun kimilərin şeytanın xoşuna gəlmək üçün müqəddəs Kitabımızı murdarladığından xəbərləri varmı? Və Zirəddin Rzayev özünə bu qədər əmindirsə, “Qurani-Kərim”in oxunduğu yerdə ekstrasenslik edə bilərmi? “Əl-Bəqərə” surəsinin oxunduğu bir yerdə ekstrasenslik etməyə cəsarəti çatarmı? Cavabını biz veririk: Əsla! Çünki, Qurani-Kərim oxunduğu yerdə şeytan olmaz! Şeytan gedəndən sonra Zirəddin Rzayev heç bir şeydir. Çünki danışan və insanları aldadan Zirəddin Rzayev deyil, onun ruhunu özünə əsir edən şeytandır...
P.S. Müsəlman ölkələrində ekstrasensliklə məşğul olanlar dövlət tərəfindən ən ağır cəzalara məruz qoyulur. Zirəddin Rzayev isə o qədər irəli gedib ki, fırıldaqçılığa, şeytana qulluq edənlərə qarşı mübarizə .ranları məhkəmə ilə hədələyir. Bəşərin hökmünün heç bir önəmi olduğunu anlamayan Zirəddin Rzayev unutmamalıdır ki, ən böyük mühakimə axirətdə olacaq və bizim üçün ən önəmlisi o məhkəməni qazanmaqdır...
P.P.S. Zirəddin Rzayev ermənilərlə heç bir əlaqəsinin olmadığını israrla deyir. Ancaq unudur ki, onun parlamasında müstəsna rolu olan və təkcə Azərbaycanda deyil, Rusiyada da ekstrasens kimi tanınmasını təmin edən “TNT” telekanalının rəhbərlərindən birinin erməni olduğundan belə xəbərimiz var... Biz çox məsələdən xəbərdarıq və bütün bildiklərimizdən hər kəsin xəbəri olacaq. Azərbaycana niyə gəlməyə çəkindiyində, şeytan qulluqçusu...
Yəni, həm ermənilərin və Rusiya xüsusi-xidmət orqanlarının nəzarətində olan bir telekanalda ekstrasens yarışmasının qaliblərindən biri olacaqsan, həm də “bu işlərdən xəbərsiz məsum” rolunu oynayacaqsan. Utanmasan, oynamağa nə var ki...
“Yeni Çağ”
А была какая-то личная трагедия, связанная с армянами?