Peyğəmbər(səlləlləhu əleyhi və səlləm) səhabələrini pisləyən şiyələrin tənələri dörd qismdir: 1. Səhabələrin demədiyi, onlar haqqında uydurulmuş yalanlar; 2. Səhabələrin ictihad etdikləri məsələlər (onların ictihadlarını səhv və ya sünnəyə müxalif kimi qələmə verirlər); 3. Cürbəcür yalanlarla şişirdilmiş (səhabələrin) etdikləri balaca xətalar; 4. Onların dənizlər boyda yaxşı əməlləri müqabilində etdikləri xırda səhvlər. Səhabələr də bizim kimi insan olublar.Bizlərdən hər hansı birimiz günah işləyəndə nə qazanırsa onlar da eyni ilə qarşılaşırlar.Qətl etmək ən böyük günahlardandır,amma insanı dindən çıxarmır,tövbə etdikdə isə Allah inşallah bağışlayır.Qaldı ki,əgər söhbət fitnə zamanı baş verən qətldən gedirsə burda başqa məqamlarda üzə çıxır. Əgər mö'minlərdən iki dəstə bir-biri ilə vuruşsa, onları dərhal barışdırın. Əgər onlardan biri təcavüzkarlıq etsə, təcavüzkarlıq edənlə Allahın əmrinə (itaətinə) qayıdana qədər vuruşun. (Təcavüzkarlıq edən Allahın əmrinə) qayıtsa, hər iki dəstənin arasını ədalətlə düzəldin və insafla hərəkət edin. Şübhəsiz ki, Allah insaflıları sevər! (Hucurat 9) Hamıya məlumdur ki,istənilən əməldə önəmli olan niyyətdir.Allah da məhz ilk öncə niyyətlərə baxacaqdır.
1. Böhtanmı? Məgər Əmmar Yasir Müaviyənin qoşunu tərəfindən şəhadətə uğradılmadımı? Tarix də oxumursunuz? Peyğəmbərsə buyurub:
Əbu Səid Əl-Xidridən deyilir:
"Məscidin kərpicini bir-bir daşıyırdıq, Əmmar isə iki-iki daşıyırdı və Peyğəmbər (s) onun yanından keçərkən onun toz qonmuş başına məsh etdi və dedi:
Əmmarı zalım firqə qətlə yetirəcək, Əmmar onları Allaha, onlar isə onu oda (cəhənnəmə) də'vət edərlər". (Səhih-Buxari. Cild 4, səh 52. «Kitabul-cihad»; «Məshul-ğubar ənir-rə's fi səbilillah» babı.)
2. Nə oldu bəs niyə cavab vermədiniz? Bəlkə qorxursunuz? Hə siz ulduz hesab edirsiz aydındır. Sizin fikrinizcə peyğəmbərin (s) yanında olan münafiqlər də "ulduz"durlar? Bu qədər səhabəni döyənlərin hökmünü niyə gizlədirsiz?
3. Balaca xəta? Mən Müaviyəyə lənət oxusam o zaman mənə rafizi deyərsiz! Əslində isə rafizi Müaviyyənin özüdür:
İbn Kəsir özünün əl Bidayəsində qeyd edir ki,
hər cümə xütbəsiində minbərlərdən həzrət Əliyə (əs) lənət yağdırılırdı. Bu qanunsuz və biyabırçı ənənəni Müaviyyə başlatmışdı, valiləri də davam etdirirdi. Vəziyyət elə yerə çatır ki, peyğəmbərin (saas) qəbrinin qarşısında, peyğəmbər məscidində də onun ən çox sevdiyi qohumları lənətlənir, hətta həzrət Əlinin (əs) ailəsi də bunu özləri eşidirlər.
(Təbəri cild 4, səhifə 188; İbn Əsir cild 3, səhifə 234; Əl Bidayə cild 8, səhifə 259 və cild 9, səhifə 80)
Hz Əliyə lənət oxuyanların aqibətini isə bu hədis sizə aydınlaşdırar:
Allah rəsulu (s) demişdir:
"Hər kim Əlini lənətləsə, məni lənətlədi, hər kim məni lənətləmisə o, Allahı lənətləmişdir, hər kim Allahı lənətləsə, onda Allah onu Cəhənnəm atəşinə atacaq." (Müsnəd Əhməd bin Hənbəl, c. 6, səh. 33)
4. Onların dəniz boyda əməlləri? (Bəziləri istisna olmaqla). Hz Fatiməni (s) incitmələri idimi? Halbuki peyğəmbər buyurub onu incidən məni incidib. Hz Əlinin haqqını qəsb etmələri idimi? Halbuki Peyğəmbər (s) buyurub Əlini yalnız mömin sevər və münafiq kin bəslər. Hz Həsəni zəhərlətmələri idimi? Halbuki Peyğəmbər buyurub Həsən və Hüseyn cənnət cavanlarının ağasıdırlar. Hüseyni öldürməkləri idimi? Peyğəmbər buyurub Hüseyn məndəndir mən də hüseyndən. Əmmar Yasiri öldürmələri idi mi? Halbuki peyğəmbər buyurub: “Əmmar haqla, haqq isə Əmmarla olur. Haqq hansı tərəfə dönsə, Əmmar da həmin tərəfə dönər.”. Yoxsa Əbuzərə zülm etmələri idimi? Və s....
Sizi and verirəm Allaha, nədən qorxursunuz haqqı deməyə? Məgər batili müdafiə etmək sizə nicat verəcəkmi? Heç utanmırsızmı hz Əlinin haqqını qəsb edənləri tərifləməyə, Hz Fatimənin qabırğasını sındırıb uşağını bətnində ikən öldürənləri tərifləməyə? Biraz mərifətiniz olsun! Məgər peyğəmbərin bu sözünü də mi gözardı edirsiz?
"Eşitdim ki, Peyğəmbər (s) deyir: Mən cənnət hovuzuna sizdən ən tez çatanınızam. Kim gəlib ondan sonra su içərsə, əbədi susamaz. Tanıdığım və onlardan məni tanıyan tayfalar mənə dönərlər bu zaman mənimlə onlar arasında maneə əmələ gələr. Səhl ibn Sə'd deyir: Eşitdim ki, Peyğəmbər (s) əlavə edərək dedi: Onlar bizlərdəndir. Onda deyirlər: Sən bilmirsən ki, onlar səndən sonra nələr dəyişdirərlər. Mən deyərəm:
Məndən sonra dəyişiklik edən məhv olsun, məhv olsun!" (Səhih-Buxari, cild 9, səh 144. «Kitabul-fitən vəttəqu fitnətən la tusibənnəlləzinə zələmu minkum xassətən» babı.)
Abdullahdan deyilir:
"Peyğəmbər (s) səhabələrlə söhbətində buyurub: "Mən sizlərdən cənnət hovuzuna çatan ən birinci olaçağam, sizlərdən bir neçə nəfər yanıma gələr, əyilib onlara su verdiyim zaman mən deyərəm:
Rəbbim onlar mənim səhabələrimdir: Allah-təala buyurar: "Səndən sonra nə edəcəklərini bilmirsən". (Səhih-Buxari, cild 9, səh 144. «Kitabul-fitən vəttəqu fitnətən la tusibənnəlləzinə zələmu minkum xassətən» babı.)
